کیفیت زمونږ لومړیتوب دی

زموږ سره د خبرو اترو لاره

لید لوری:

زموږ ماموریت دا دی چې د خپلو مراجعينو، شریکانو او ټولنې لپاره د باور وړ، معیاري او مؤثر خدمات وړاندې کړو. موږ د کیفیت، صداقت او مسوولیت اصل تعقیبوو ترڅو د هر عمل تر شا د پرمختګ، رضایت او ټولنیز ارزښت هدف پوره کړو.

ماموریت:

زموږ بنسټیز نظرونه هغه اصول دي چې زموږ د کار، خدمت او چلند لارښود جوړوي: اعتماد (Trust): موږ د رښتینولۍ او شفافیت له لارې د خپلو مراجعينو باور ساتو. کیفیت (Quality): هر خدمت او محصول مو د نړیوالو معیارونو سره سم وړاندې کېږي. نوښت (Innovation): د نوو مفکورو، ټکنالوژۍ او عصري حل‌لارو له لارې پرمختګ ته وده ورکوو. مسوولیت (Responsibility): د ټولنې، چاپېریال او مراجعينو پر وړاندې ځان مسؤل ګڼو. ټیم‌کاري (Teamwork): د یووالي او همکارۍ په روحیه کار کوو، څو ګډ هدفونه ترلاسه کړو. رضایت (Satisfaction): د مراجعينو خوښي زموږ لومړیتوب دی.

د کیفیت پالیسی:

???? شعار (Slogan) «کیفیت زموږ لومړیتوب دی، ځکه باور د کیفیت له زړۀ زیږي.» په علمي کمپلکس فارما کې موږ باور لرو چې کیفیت یوازې یو معیار نه دی، بلکې زموږ د مسؤلیت، ژمنتیا او د انسان د روغتیا د ساتنې روحیه ده. موږ کیفیت د خپلو ټولو فعالیتونو — له سیستم او خدماتو نیولې تر محصولاتو او خوندیتوب پورې — د بنسټيز اصل په توګه ټاکلی دی. هر ګام، هر درمل او هر خدمت زموږ د ژمنې انعکاس دی: د مراجعينو باور، د هغوی روغتیا، او د غوره سبا تضمین.

علمی کمپلکس فارما

پیژندنه

علمي کمپلکس فارما د طبي توکو او درملو جوړولو یوه فابریکه ده چې په (۱۳۹۹) هجري شمسي کال کې یې خپل د فعالیت جواز د سوداګری له وزارت او د خصوصی پانګونی ملاتړې ادارې (آیسا) څخه تر لاسه کړ. دغه د طبي توکو او درمل جوړولو فابریکه د کابل ولایت، پغمان ولسوالی اړوند د ارغندۍ چوک په صنعتي پارک کې موقعیت لري، چې د ټولو نړیوالو منل شویو معیارونو په نظر کې نیولو سره په اساسي ډول رغول شوې ده. اوس مهال نوموړې فابریکه په پنځو خطونو( د مایع شربت خط، د پوډري شربت خط، د کپسول خط، د تابلیت خط او د ملهمونو خط) کې خپل فعالیت شروع کړی.

د دغه فابریکې رئیس ښاغلی ډاکتر صاحب میرویس علمي دی، چې د طب په برخه کې یو مسلکي او تجربه لرونکی شخص دی او د خپلې ټولنې د ضرورتونو په لیدلو سره هغه د یوی معیاري فابریکی د جوړولو هوډ وکړ. او زموږ د مدیریتي ټیم په جوړښت کې تجربه لرونکي او مسلکي کسان شتون لري، همدارنګه مونږ څو کسه مسلکي او تجربه لرونکي کارمندان د بهرنیو هیوادونو څخه استخدام کړي دي تر څو زمونږ داخلي کارمندانو ته په مربوطه برخو کې روزنه ورکړي. په ټوله کې اوس مهال په دغه فابریکه کې شاوخوا (۱۱۰) نفره کارمندان په کار بوخت دي. او د دغه طبي توکو او درمل جوړولو فابریکې د جوړولو موخه دا وه چې په غوره کیفیت درمل جوړ او په مناسبه بیه يې بازار ته وړاندې کړو.